Аӡбарҭа иазкны

PDF | Конституция Социалистической Советской Республики Абхазия от 01 апреля 1925 г.

Аԥсны Аконституциатә ӡбара аҟны имҩаԥысит Аконституциатә ӡбара аӡбаҩцәеи  Карелиа Ареспублика Иреиҳау аӡбарҭа аӡбаҩ Станислав Шьепалови реиԥылара.

Аԥсны Аконституциатә ӡбара ахантәаҩы Диана Ԥлиа асас иҭабуп ҳәа иалҳәеит ааԥхьара ахьидикылаз.

Анаҩс асас Аԥсны Аконституциатә ӡбара аӡбаҩцәеи Аконституциатә ӡбара аппарат ахаҭарнакцәа драбалырдырит.

Станислав Шьепалов иколлегацәа аԥышәа рымадаразы дырзаԥхьеит Карелиа Ареспублика аҿырԥштәы ала  Урыстәылатәи Афедерациа аусӡбарақәа реилазаареи атәылаҿацә апарламенти русеицура аиҿкаашьа иазкыз алекциа.

Ԥанҭиа Раули Кәасҭа-иԥа диит мшаԥы 7, 1962 шықәсазы Очамчыра араион Аӡҩыбжьа ақыҭан.
1989 шықәсазы далгеит Аԥснытәи аҳәынҭқарратә университет, аҭоурых-зиндырратә факультет «Азинҭҵаара» азанааҭ ала.
1980–1983 шықәсқәа рзы аррамаҵура дахысуан Асовет Еидгыла арра-мшынтә флот аҟны.
1989–1994 шықәсқәа рзы Аӡҩыбжьатәи абжьаратә школ №2 аҟны рҵаҩыси ааӡаразы адиректор ихаҭыԥуаҩыси аус иуан.
1994 шықәсазы – Аԥсны Аҳәынҭқарра Аминистрцәа Р-Совет Аҳәынҭмаӡаныҟәгаҩ иҳәынҭқарратә абжьгаҩ (АА АР ақәҵ. 01.02.1994 ш).
1996 шықәса инаркны – Аҩныҵҟатәи аусқәа рминистрреи, аиустициеи, аусӡбарҭақәеи, апрокуратурақәеи Аԥсны Аҳәынҭқар- ра Аминистрцәа реилазаара аппарати ашәарҭадаратә маҵзуреи русеицзура ареферент (Адҵа № 115 р 03.02.1995 ш.).
1997 шықәсазы Аԥсны Аҳәынҭқарра Аминистрцәа реилазаара аппарат аҟны административтәи азинхьчаратәи усбарҭақәа рыҟә- шаҿы референт еиҳабыс дыҟан (Адҵа № 103 р 20.02.1997 ш.).
2000 шықәсазы – Аԥсны Аҳәынҭқарра Аминистрцәа реилазаа- ра азинтә ҟәша ареферент еиҳабы (Адҵа № 12 р 17.01.2000 ш.).
2003 шықәсазы – Аԥсны Аҳәынҭқарра Аминистрцәа реилаза- ара азинтә ҟәша аиҳабы (Адҵа № 352 р 11.07.2000 ш.).
2004 шықәсазы – Аԥсны Аҳәынҭқарра Аминистрцәа реилаза- ара азинтә департамент анапхгаҩы (Адҵа № 520 р 31.12.2004 ш.).
Лаҵара, 2005 шықәсазы дҟаҵоуп Аԥсны Аҳәынҭқарра аиусти- циа аминистр ихаҭыԥуаҩыс (Аԥсны Аҳәынҭқарра Аминистрцәа реилазаара ақәҵара № 89 06.05.2005 ш.).
Аԥсны Аҳәынҭқарра Ахада Иусԥҟа (АИ-134 03.10.2006 ш.) инақәыршәаны ихҵоуп акласстә чын «Аиустициа аҳәынҭқарратә абжьгаҩ ахԥатәи акласс».
Абҵара 22, 2016 шықәсазы (Аԥсны Аҳәынҭқарра Жәлар Реиза- ра–Апарламент ақәҵара № 4274-с-V) далхуп Аԥсны Аҳәынҭқарра Аконституциатә ӡбарҭа аӡбаҩыс, ихҵоуп иреиҳаӡоу аквалифика- циатә класс.
1992–1993 шықәсқәа рзтәи Аԥсны Аџьынџьтәылатә еибашьра далахәын. Ианашьоуп «Агәымшәараз» амедал.
Дҭаацәароуп. Ҩыџьа ахшара драбуп.

Бигәаа Алиса Зураб-иԥҳа диит нанҳәа 29, 1968 шықәсазы Аԥс- нытәи АССР Аҟәа ақалақь аҟны.
1986 шықәсазы далгеит Н. А. Лакоба ихьӡ зху Аҟәатәи абжьа- ратәи аԥсуа школ № 10.
1986 шықәсазы дҭалеит Аԥснытәи аҳәынҭқарратә университет аҭоурых-зиндырратә факультет, лҵара хлыркәшеит 1991 шықәса- зы «Азиндырҩы» изанааҭ лыманы.
1991 шықәса жьҭааразы Аҟәа ақалақь Аҩныҵҟатәи аусқәа русбарҭа усеилыргаҩыс дҟаҵоуп.
1993 шықәса жәабранмза инаркны Аԥсны Аҳәынҭқарра апро- куратура аусбарҭақәа рҟны аус луеит:
1993 шықәса жәабранмзазы Аҟәа ақалақь апрокурор ицхыра- аҩыс дҟаҵоуп;
1996 шықәса хәажәкыразы Аҟәа ақалақь апрокурор ихаҭыԥу-
аҩыс диагоуп;
2005 шықәсазы Аҟәа ақалақь апрокурорс дҟаҵоуп;
2010 шықәсазы Аҟәа ақалақь апрокурорс дҟаҵоуп аҩбатәи Аконституциатә ҿҳәарала.
2014 шықәсазы илыхҵоуп акласстә чын – «Аиустициа ҳәынҭқарратә абжьгаҩ ахԥатәи акласс».
2015 шықәсазы диаган Аԥсны Аҳәынҭқарра Апрокурор Хада иҷыдоу идҵақәа рзы цхырааҩ еиҳабыс.
Аԥсны Аҳәынҭқарра Апрокурор Хада идҵа № 26 (15.04.2004 ш.) ала далкааны акласстә чын лыҭан, иаанылкылоз амаҵура иақә- нагоз иеиҳаны – Аиустициа абжьгаҩ еиҳабы ҳәа.
Аԥсны Аҳәынҭқарра Апрокурор Хада идҵа № 138 (14.04.2009 ш.) ала иланашьан Аԥсны Аҳәынҭқарра Апрокуратура Хада Аҳаҭы- ртә шәҟәы.
Аԥсны Аҳәынҭқарра Апрокурор Хада идҵала ( №119, 15.042011 ш.) иланашьан агәлаҵатә дырга «Аԥсны Аҳәынҭқарра апрокурату- раҟны ҽыԥныҳәадатәи амаҵуразы».
Урыстәылатәи Афедерациа Аусеилыргаратә Еилакы ахантәаҩы идҵала (44-кца/п 14.02.2014 ш.) Урыстәылатәи Афедерациа Аусеи- лыргаратә Еилакы амедал «Ацхрааразы» ланашьан.
Урыстәылатәи Афедерациа Афедералтә Шәарҭадаратә Маҵзу- ра «Урыстәылатәи Афедерациа афедералтә шәарҭадаратә маҵзу- ратә усбарҭақәа ацхыраара рыҭаразы» ҳәа аџьшьара лнаҭеит.
Аԥсны Аҳәынҭқарра Апрокурор Хада идҵала (№ 106, 14.04.2014 ш.) иланашьан Аԥсны Аҳәынҭқарра апрокуратура агәлаҵатә дырга
«Ҳаҭыр зқәу аусзуҩ».
2017 шықәса раахыс Аԥснытәи аҳәынҭқарратә университет
«Ашьауӷатә зини апроцесси» ркафедра дарҵаҩуп.
Жәабранза, 2018 шықәсазы Аԥсны Аҳәынҭқарра Жәлар Реиза- ра – Апарламент ақәҵара № 4561-с-VI (12.02.2018 ш.) ала Аԥсны Аҳәынҭқарра Аконституциатә ӡбарҭа ауӡбаҩыс далхуп, иланашьо- уп иреиҳаӡоу аквалификациатә класс.
Ҩыџьа ахшара дрануп.

Аҧсны Аҳәынҭқарра Аконституциатә ӡбара аӡбаҩ-амаӡаныҟәгаҩ

Хоџьашвили Лиудмила Платон-иҧҳа

Диит абҵарамза 6 1957 шықәса рзы Гәдоуҭа араион ақ.Лыхны.

1974 шықәса рзы Лыхнытәи абжьаратә школ далгеит.

1986 шықәса рзы М.Горьки ихьыӡ зхыу Туркментәылатәи аҳәынҭқарратә университет азиндырратә факультет далгеит.

1973 шықәса инаркны лаҵарамза 1980 шықәсанӡа – Туркментәыла Иреиҳаӡоу аӡбарҭа ашьаустә коллегиа амаӡаныҟәгарҭа аиҳабы, аӡбаратә еилатәара амаӡаныҟәгаҩ, Туркментәыла аиустициа аминистрра абжьгаҩ еиҳабы.

Лаҵарамза 1980 шықәса инаркны цәыббрамза 1983 шықәсанӡа – Туркментәыла Иреиҳаӡоу аӡбарҭа ашьаусқәа рзы аӡбарҭа аилатәара амаӡаныҟәгаҩ.

Жьырныҳәамза 1981 шықәса инаркны хәажәкырамза 1987 шықәсанӡа – Туркментәыла аиустициа аминистрра абжьгаҩ еиҳабы.

Хәажәкырамза 1987 шықәса инаркны хәажәкырамза 1995 шықәсанӡа – Туркментәыла Апролетартә ӡбарҭа жәлар рыӡбаҩ.

Лаҵара 23 1995 шықәса рзы Аҧсны Аҳәынҭқарра аиустициа аминистр ихаҭыҧуаҩыс дҟаҵан (Ақәҵара №158, 23.05.1998ш.)

1997 шықәса – Аҧснытәи аҳәынҭқарратә университет «Аграждантә зини апроцесси» акафедра арҵаҩы еиҳабы.

Мшаҧымза 2005 ш. рзы Аҧсны Аҳәынҭқарра Ахада Идҵа ала (№УП-76, 07.04.2005 ш.) Аҧсны Аҳәынҭқарра аиустициа аминистрра аминистрс дҟаҵан (Ахада Идҵа №УП-51, жәабран 26 2019 шықәса, амаҵзура шьақәырҕәҕәоуп).

2005 шықәса инаркны иахьа уажәраанӡа - Аҧснытәи аҳәынҭқарратә университет «Аграждантә зини апроцесси» акафедра аиҳабы, адоцент.

Мшаҧы 7 2005 шықәса инаркны жәабран 26 2010 шықәсанӡа – Аҧсны Аҳәынҭқарра аӡбаҩцәа рыквалификациатә коллегиа аҟны анагӡаратә мчра ахаҭарнак.

Жьҭаара 3 2006 шықәса рзы (Ахада Идҵа УП-133,  03.10.2006) «1 акласс  змоу Аиустициа Аҳәынҭқарратә абжьгаҩ» ҳәа акласстә чын лыҭан.

2011 шықәса инаркны 2016 шықәсанӡа – Аҧсны Аҳәынҭқарра аӡбаҩцәа Рквалификациатә коллегиа Ахантәаҩы.

Абҵарамза 22 2016 шықәса рзы Аҧсны Аҳәынҭқарра Аконституциатә ӡбара аӡбаҩс далхын (Аҧсны Жәлар Реизара Ақәҵара - Аҧсны Аҳәынҭқарра Апарламент №4276-с-V.  22 абҵара  2016). Иреиҳаӡоу аквалификациатә класс лыҭоуп.

Жәабран 22 2018 шықәса рзы Аҧсны Аҳәынҭқарра Аконституциатә ӡбара Ахантәаҩы Ихаҭыҧуаҩыс далхын.

Аҧсны Жәлар Реизара - Аҧсны Аҳәынҭқарра Апарламент Ақәҵарала Аҧсны Аҳәынҭқарра азакәанҧҵара аҿиара аус аҟны ллагалазы иланашьан Аҳаҭыртә бҕьыц (№4511-с-VI,  12.12.2017).

Жьҭаарамза 14 2022 шықәса рзы Аҧсны Аҳәынҭқарра Ахада А.Гь.Бжьаниа Идҵа №279 инақәыршәаны, азакәани азинлеишәеи рырҕәҕәареи, аконституциатә шьақәгылашьеи, атәылауааи аиҿкаарақәеи рзинқәеи ринтересқәеи  рыхьчареи аус аҟны лылшамҭақәеи, лзанааҭдырра ҳараки рзы, Аҧсны Аҳәынҭқарра Аконституциатә ӡбара, Аҧснытәи Аҳәынҭқарратә университет «Аграждантә зини процесси» акафедра адоцент Хоџьашвили Лиудмила Платон-иҧҳа иланашьан «Аҧсны Аҳәынҭқарра Зҽаҧсазтәыз азиндырҩы» ҳәа ахьыӡ ҳаракы. 

Дҭаацәароуп, ҩыџьа ахшара дрануп.

Аҧсны Аҳәынҭқарра Аконституциатә ӡбара ахантәаҩы лхаҭыҧуаҩ

Ҧанҭиа Раули Константин-иҧа

Диит мшаҧымза 7 1962 шықәса рзы Очамчыра араион Аӡҩыбжьа ақыҭан.

1979 ш. рзы далгеит Аӡҩыбжьатәи абжьаратә школ №2.

1980 – 1983 шш. рзы Асовет Еидгыла Арра-Амшынтә флот аҟны  аррамаҵзура дахысуан.

1989 шықәса рзы далгеит Аҧснытәи Аҳәынҭқарратә университет аҭоурых-зиндырратә факультет «Азиндырра» азанааҭ ала, «азиндырҩы»  ҳәа аквалификациа иҭан.

1989 – 1994 шш. рзы Аӡҩыбжьатәи абжьаратә школ №2 аҟны рҵаҩыси ааӡаратә ус азы адиректор ихаҭыҧуаҩыси аус иуан.

1994 шықәса – Аҧсны Аҳәынҭқарра Аминистрцәа Реилазаара Аҳәынҭқарратә маӡаныҟәгарҭа Аҳәынҭқарратә абжьгаҩ. (Аминистрцәа Рхеилак Ақәҵара 01.02.1994 ш.).

1996 шықәса -  Аҧсны Аҳәынҭқарра Аминистрцәа Реилазаара  аҟны Аҧсны Аҩныҵҟатәи аусқәа рминистрра, азиндырра, аекономикатә полициа, аӡбарҭақәа, апрокуратура Ашәарҭадаратә Маҵзура аус рыцуразы ареферент (Аӡбара №115р,  03.02.1995ш.).

1997 шықәса - Аҧсны Аминистрцәа реилазаара аппарат административтәи азинхьчаратәи органқәа рыҟәша  ареферент еиҳабы. (Аӡбара  №103р,  20.02.1997 ш.).

2000 шықәса -  Аҧсны Аминистрцәа реилазаара  азинтә ҟәша ареферент еиҳабы. (Аӡбара №12р, 17.01.2000 ш.).

2003 шықәса - Аҧсны Аминистрцәа реилазаара азинтә ҟәша аиҳабы. (Аӡбара №352р, 11.07.2000 ш.).

2004 шықәса -   Аҧсны Аминистрцәа реилазаара азинтә департамент анапхгаҩы. (Аӡбара №520р, 31.12.2004 ш.).

Лаҵарамза 2005ш.  инаркны – Аҧсны Аҳәынҭқарра аиустициа аминистр ихаҭыҧуаҩ (Аҧсны Аҳәынҭқарра Аминистрцәа реилазаара ақәҵара №89,  06.05.2005ш.)

Аҧсны Аҳәынҭқарра Ахада Иусҧҟа ала (№ УП-134, 03.10.2006ш.) «III акласс  змоу Аиустициа аҳәынҭқарратә абжьгаҩы»  ачын иҭан.

Абҵарамза 22 2016 шықәса рзы,  Аҧсны Аҳәынҭқарра Аконституциатә ӡбара аӡбаҩыс далхын (Аҧсны Жәлар Реизара - Аҧсны Аҳәынҭқарра Апарламент Ақәҵара №4274-с-V 22 2016 ш.).  Иреиҳаӡоу аквалификациатә класс иҭан.

Далахәын  1992 – 1993  шықәсқәа рзтәи Аҧсны Жәлар р-Џьынџьтәылатә еибашьра . Ианашьоуп «Агәымшәаразы» амедал.

Дҭаацәароуп, ҩыџьа ахшара драбуп.

Ознакомиться||PDF

Гәык-ҧсык ала ишәыдсныҳәалоит Аҧсны Аҳәынҭқарратә бираҟ амш!

  1992 шықәса ҧхынгәымза 23 рзы, атәылаҿы  ауаажәларра- политикатә ҭагылазаашьа шыуадаҩызгьы, Владислав Арӡынба хантәаҩыс дызмаз Аҧсны Иреиҳаӡоу Асовет ишьақәнарҕәҕәеит Аҧсны Аҳәынҭқарра абираҟи Аҳәынҭқарра агерби. Атәыла иҿыцӡоу аҭоурых аҟны  ари акрызҵазкуа хҭысхеит.

  Ҳара аныҳәа азгәаҳҭоит ҳтәыла ҳгәы аздуны, ҳаҧсадгьыл ахь абзиабара ду ҳаманы.

  Ари акрызҵазкуа амш аҽны, Аҧсны атәылауаа зегьы ишәзеиҕьасшьоит агәабзиара ҕәҕәеи аныҳәатә гәалаҟазаареи!