Аҧсны Аконституциатә ӡбарҭа Ахантәаҩы Диана Ҧлиа Урыстәыла Аконституциатә ӡбарҭа Ахантәаҩы Валери Зорькин Урыстәыла Аконституциатә ӡбарҭа 35-шықәса ахыҵра идылныҳәалеит.
Урыстәыла Аконституциатә ӡбарҭа 35 шықәса ахыҵра аурыс закәанаҧҵараҟны акраҵанакуеит. Урыстәыла Афедерациа раҧхьатәи Аконституциа рыдыркылеит 1993 шықәсазы, аиҭарҿыцра иахысит 2020 шықәсазы. Аконституциа хадара зуа ақәкқәа иреиуоуп ауаажәларра рзин ахьчара - ҳәа азгәаҭоуп адныҳәаларатә шәҟәаҟны.
Аҧсны Аконституциатә ӡбарҭа Ахантәаҩы урыстәылатәи лколлегацәа иҭабуп ҳәа ралҳәеит аҧышәа аимадараҟны иаадырҧшуа адгыларазы.
Адныҳәалара шәҟәаҟны иалкаауп : « Аҧсны Аконституциатә ӡбарҭеи Урыстәылатәи Аконституциатә ӡбарҭеи акыр шықәсқәа раахыс ирыбжьоуп аусеицура. Уи иалҵшәоуп жәларбжьаратәи аҭҵаарадырра-практикатә конференциақәа, аҧышәа аизырҳара иазку ауснагӡатәқәа, аҵаарадырратә еилатәарақәа. Аха урҭ рахьтә хадара ауеит 2024 шықәсазы аӡбарҭақәа аусеицуразы ирыбжьарҵаз Амеморандум. Аҧсны ахәынҭқарреи Урыстәылатәи Афедерациеи ирыбжьоу аимадара аҵак ҷыда амоуп аҩҳәынҭқаррак русеицураҟны, - ҳәа азгәаҭоуп адныҳәала шәҟаҟны.
Аконституциатә ӡбарҭа аӡбаҩцәеи, аӡбарҭа аилазаареи ирзеиӷьалшьеит аҭынчра, аманшәалара, арҿиаратә еихьӡара дуқәа.